Контейнерлік терминал, әкімшілік кешен және кіреберіс теміржол жолдары

Іле ауданы · Боралдай өнеркәсіптік аймағы · Ақсеңгір станциясы

Coteccons KZ Алматы облысында заманауи контейнерлік терминал құрылысын іске асыруда — теміржол, автокөлік және қойма логистикасын бірыңғай инфрақұрылымға біріктіретін мультимодальды нысан.

Жоба өңірдің мультимодальды логистикасын дамытуға, жүк ағындарының өткізу қабілетін арттыруға және Алматы облысының көлік инфрақұрылымын нығайтуға бағытталған. Кешен құрамына контейнерлік терминал, әкімшілік-тұрмыстық кешен, уақытша сақтау қоймалары, кіреберіс теміржол жолдары, жүк рамапалары, инженерлік желілер және қауіпсіздік жүйелері кіреді.

Нысан Алматы облысының Іле ауданында, Боралдай өнеркәсіптік аймағында, Ақсеңгір станциясының аумағында, «Платформа Плюс» ЖШС алаңын дамыту аясында іске асырылуда. Құрылыс ауданы 24,3355 га құрайды.

Coteccons KZ жобаның бас мердігері болып табылады және құрылыс жұмыстарының толық циклін қамтамасыз етеді — алаңды дайындаудан, құрылыс процесін ұйымдастырудан және жабдықтаудан бастап инженерлік сүйемелдеуге, сапаны бақылауға, мердігерлерді үйлестіруге және нысанды пайдалануға беруге дейін.

Құрылыс мерзімі: 2025 жылдың маусымы — 2026 жылдың шілдесі. Қазіргі кезеңде жұмыстардың негізгі көлемі орындалды, нысан аяқталу сатысында.

Нысанның негізгі сипаттамалары

Теміржол жолдарының жалпы ұзындығы 4 100 метрді құрайды. Инфрақұрылым теміржол құрамдарын қабылдауды, жүктерді жедел өңдеуді және оларды автокөлікке әрі қарай қайта тиеуді қамтамасыз етеді.

Терминал ұзындығы 450 метр кранасты жолындағы заманауи козлоктық кранмен жабдықталған. Кранның жүк көтергіштігі 45 тоннаны, өнімділігі сағатына 25 контейнерге дейін құрайды, бұл контейнерлік жүктерді өңдеудің жоғары жылдамдығын және терминалдың операциялық тиімділігін қамтамасыз етеді.

Ауданы 1 150 шаршы метр әкімшілік-тұрмыстық кешен терминалдың басқару, пайдалану және қосалқы қызметтерін орналастыруға арналған. Қ

ойма инфрақұрылымы ауданы 1 000 шаршы метр және 500 шаршы метр екі уақытша сақтау қоймасын қамтиды, олар жүктерді терминал аймағында қабылдау, сақтау және өңдеу үшін қосымша мүмкіндіктер береді.

Теміржол жүктерімен жұмыс істеу үшін екі жүк рампасы салынды, олар жүктерді теміржол көлігімен қабылдауға және басқа көлік түрлеріне қайта тиеуге арналған. Уақытша сақтау аймағында автокөлікті қабылдауға арналған аппарель қарастырылған.

Нысанның инженерлік қауіпсіздігі бүкіл аумақты қамтитын, көлемі 2 500 текше метр су резервуары бар өрт сөндіру жүйесімен қамтамасыз етіледі. Кешен аумағы бейнебақылау және кіруді бақылау жүйесімен жабдықталған, бұл персоналдың, көліктің және жүктердің қауіпсіздігін қамтамасыз етеді.

Нысанның артықшылықтары

✓    Теміржол желісіне тікелей қол жеткізу — құрамдарды қабылдау және бірыңғай торапта басқа көлік түрлеріне қайта тиеу.

✓    Контейнерлік жүктердің жоғары өткізу қабілеті — сағатына 25 контейнерге дейін.

✓    Дамыған қойма инфрақұрылымы — уақытша сақтау қоймалары мен жүк өңдеу аймақтары.

✓    Мультимодальдылық пен қайта тиеуді азайту есебінен логистикалық шығындарды төмендету.

✓    Кешенді қауіпсіздік — бүкіл аумақтағы өрт сөндіру, бейнебақылау және кіруді бақылау жүйелері.

Жобаның өңір үшін маңызы

Контейнерлік терминал контейнерлік жүктерді өңдеуге, логистикалық операциялардың жылдамдығын арттыруға және бизнес үшін көлік шығындарын азайтуға арналған заманауи инфрақұрылымдық база қалыптастырады.

Жоба Алматы мен Алматы облысының логистикалық әлеуетін нығайтады, жүк ағындарын, экспорттық-импорттық операцияларды өңдеудің тұрақты нүктесін және Қазақстанның транзиттік бағыттарын дамытуды қалыптастырады.

Coteccons KZ жобаны заманауи құрылыс стандарттарын, инженерлік бақылауды, цифрлық шешімдерді және экологиялық бағытталған тәсілді қолдана отырып іске асыруда.

Алматы қаласындағы астық терминалы

Астық дақылдарын теміржол көлігімен қабылдау және басқа көлік түрлеріне қайта тиеу

Логистикалық кешенді кеңейту кезеңі · Алматы облысы

Coteccons KZ Алматы облысындағы логистикалық кешен құрамында астық терминалының құрылысын іске асыруда — астық дақылдарын қабылдауға, сақтауға және қайта тиеуге арналған, Еуропада өндірілген заманауи элеваторлық жабдықпен жарақталған нысан.

Жоба логистикалық кешеннің мүмкіндіктерін кеңейту аясында іске асырылады және жүк ағындарының өткізу қабілетін арттыруға, агрологистиканы дамытуға және астық дақылдарын өңдеуге арналған заманауи инфрақұрылым құруға бағытталған. Терминал астық дақылдарын теміржол көлігімен қабылдауға, сақтауға және кейіннен басқа көлік түрлеріне қайта тиеуге арналған.

Астық терминалы EPC — Engineering, Procurement, Construction моделі бойынша іске асырылады, яғни жобалау, сатып алу және құрылыс. Мұндай формат нысанды іске асырудың бүкіл циклі үшін бірыңғай жауапкершілікті қамтамасыз етеді: инженерлік шешімдер мен жабдықты жеткізуден бастап құрылыс-монтаж жұмыстарына және терминалды пайдалануға дайындауға дейін.

Жобаны іске асыру мерзімі: 2025 жылдың қазаны — 2026 жылдың қазаны. Жоба аяқталу сатысында.

Терминалдың технологиялық мүмкіндіктері

Терминал Еуропада өндірілген заманауи элеваторлық жабдықпен жарақталуда. Жобалық қуат астық дақылдарын бір мезгілде 15 000 тоннаға дейін сақтауды көздейді.

Терминалдың технологиялық схемасы бір мезгілде 6 жылжымалы құрам бірлігіне дейін өңдеу мүмкіндігі бар екі қабылдау нүктесін қамтиды. Көлік жабдығының өнімділігі сағатына 200 тоннадан асады, бұл астық дақылдарын қабылдаудың, орнын ауыстырудың және әрі қарай қайта тиеудің жоғары жылдамдығын қамтамасыз етеді.

Жоба құрамында жалпы ұзындығы 1 км-ден асатын екі теміржол тұйығы қарастырылған, бұл поездың толық құрамын қабылдауға және астық жүктерін өңдеудің технологиялық процесін тиімді ұйымдастыруға мүмкіндік береді.

Нысанның артықшылықтары

✓    Жүк номенклатурасын кеңейту — контейнерлік жүктерге қосымша астық дақылдарын өңдеу.

✓    Көлік жабдығының жоғары өнімділігі — сағатына 200 тоннадан астам.

✓    Поездың толық құрамын қабылдау — жалпы ұзындығы 1 км-ден астам екі теміржол тұйығы.

✓    Еуропада өндірілген заманауи элеваторлық жабдық.

✓    РEPC моделі бойынша іске асыру — жобалаудан пайдалануға беруге дейін мердігердің бірыңғай жауапкершілігі.

Жобаның кешен үшін маңызы

Астық терминалының құрылысы логистикалық кешеннің мүмкіндіктерін кеңейтеді және контейнерлік бағытты жеке агрологистикалық блокпен толықтырады, бұл бизнестің уақыты мен шығындарын қысқартады. Нысан контейнерлік жүктермен де, астық дақылдарымен де жұмыс істеуге мүмкіндік береді, бұл кешеннің әмбебаптылығын және оның бизнес, аграрлық сектор мен өңірдің көлік жүйесі үшін маңызын арттырады.

Құрылыс аяқталғаннан кейін контейнерлік және астық терминалдары әртүрлі жүктерді қабылдауды, сақтауды, өңдеуді және қайта тиеуді қамтамасыз ететін бірыңғай мультимодальды инфрақұрылым ретінде жұмыс істейтін болады.

Халықаралық Coteccons KZ компаниясы жобаны нысанның сенімділігі мен ұзақ мерзімділігін қамтамасыз ететін заманауи құрылыс стандарттарын, инженерлік бақылауды және цифрлық шешімдерді қолдана отырып іске асыруда.